Во текот на вчерашниот ден во 10.30 часот на Граничниот премин „Долно Блаце“, при контрола на товарно моторно возило марка „Форд Транзит“ со скопски регистарски ознаки, сопственост на приватна фирма, а управувано од Д.И. (65) од Куманово. во возилото биле пронајдени 42 пакувања непозната растителна материја, најверојатно марихуана.
Како што информираат од Министерството за внатрешни работи, лицето е лишено од слобода, а поради влошена здравствена состојба во присуство на полициски службеници било пренесено во ГОБ „8-ми Септември“. Се преземаат мерки за целосно расчистување на случајот.