Несовесни вандали ги искршиле кошевите кои се поставени на мултифункционалното игралиште кај Средното техничко училиште „Наце Буѓони“ во Куманово.
И покрај напорите на локалната самоуправа да вложува во спортската инфраструктура, нивото на култура кај кумановци и натаму останува на незавидно ниво. Кому пречеле овие кошеви и која е причината поради која се искршени знае само сторителот на оваа дело.
Своја реакција за овој нецивилизиран настан имаше и градоначалникот на Општина Куманово, Максим Димитриевски кој вели дека е потребно е да го негуваме и одржуваме тоа што го имаме и градиме.
– Тој што го направи оваа вандалско дело во кругот на средно техничко училиште нека му служи на честа. Апелирам да покажеме општествена одговорност и да го сочуваме и одржуваме заедничкиот имот – вели Димитриевски.
Loading...
Ова не е прв пат да се вандализира спортско-рекреативна инфраструктура во градот, за жал некој се уште не сфаќа дека ако нему не му се потребни овие кошеви, за некого тие значат многу, значат за целиот град и развојот на спортот.