Управата за јавни приходи ја објави листата на должници за изминатиот месец. На листаат се наоѓаат 5011 должници, што приватни што правни лица.
На првото место се наоѓа и самиот рекорд од 1 милијарда денари, колку што должи фирмата „ЕЛ ДОН КАСТИЛЛО АНГЕЛ Д.О.О.Е.Л. ЕКСПОРТ-ИМПОРТ“ – СКОПЈЕ од Општина Гази Баба. Зачудувачки податок е што и вторите две фирми кои се веднаш зад оваа должат до денар иста сума од 1,156,083,597 денари или нешто помалку од 19 милиони евра, а станува збор за „МОТОР КОАЧ ИНДУСТРИЈА ИНТЕРНАЦИОНАЛ“ Д.О.О. СКОПЈЕ и „ИНДУСТРИЈА ЕЛ АЗТЕКА“ Д.О.О. СКОПЈЕ.
Како и по обичај во топ 10-те најголеми должници мора да се најдат и јавни претпријатија кои се во државна сопственост. Меѓу нив рекордер и во овој месец е „Македонија пат“ која должи 6,7 милиони евра. Тука е и ЈП Комуналец од Гостивар со долг од 156 милиони денари.
Македонската радио телевизија пак се наоѓа на 14-то место. Иако сите плаќаме радио-дифузна такса, телевизијата не плаќа данок на државата, па така должи 1,8 милиони евра.
Од кумановските фирми најголем должник и натаму останува „НАМА“ А.Д. КУМАНОВО со долг нешто поголем од 1,3 милиони евра или 70 милиони денари ДДВ со 12 милиони денари данок на добивка.
Тука е и ИСКРАИНЖЕНЕРИНГ А.Д. КУМАНОВО со долг од 59 милиони денари или малку над милион евра, а значително помалку зад нив е и ЖИТО ФАРМ ГОРАН Д.О.О.Е.Л. КУМАНОВО со шест милиони денари.
Од јавните претрпиајтија најголем долг во Куманово има ЈП Чистота и зеленило со долг од 4,9 милиони денари или околу 80.000 евра, а значително помалку со нешто над 1 милион денари се наоѓа и Ц.О. „ШУМСКО СТОПАНСТВО“ – КУМАНОВО.