Инспекциските служби на Управата за јавни приходи „го згаснаа“ ноќниот живот во Куманово, откако изрекоа мерки забрана за работа на одредено време на двата најпосетувани ноќни клубови „Revolution“ и „Тунел“.
Пред извесно време инспекторите по констатирани неправилности во работењето ставија жолти траки на клубот „Тунел“, а истата судбина во понеделник го снајде и омиленото место за ноќен провод на кумановци, клубот „Revolution“.
Според засега неофицијални информации клубот бил затворен затоа што истекла лиценцата за работа по 1 часот по полноќ, која сопствениците поради правните лавиринти и моменталната тешка состојба во државата и институциите не успеале да ја обноват. Младите кумановци забавата во клубот ќе можат да ја продолжат дури за еден месец до кога и трае забраната за работа изречена од страна на УЈП.
Единствено место за забави од ваков тип кое останува да работи е клубот „Версус“.