Денеска во попладневните часови на повеќе места ќе има развој на нестабилна облачност со краткотраен пороен дожд и грмежи. Локално процесите ќе бидат поинтензивни, особено во планинските предели, велат од Управата за хидрометеоролошки работи.
И утре во попладневните часови ќе има изолирана појава на нестабилност со локален пороен дожд и грмежи, особено во југоисточните делови.
И натаму продолжува периодот на многу топло време со натпросечни максимални температури. Уште потопло се очекува да биде од четврток, кога поради изразено југозападно воздушно струење и прилив на многу топла и сува воздушна маса, времето ќе биде претежно сончево. Вдолж Повардарието и во Пелагонија температурата ќе достигне до 40 степени, а не е исклучено во петок и сабота на места да го надмине и 40-тиот степен.
Loading...