Три лица исчезнаа за едно деноноќие

Сподели со своите пријатели

Три лица во последните 24 часа се пријавени за исчезнати на различни локации низ Република Македонија, информираат денеска од Министерството за внатрешни работи.

Во СВР-Битола, М.И. (56) вчера пријавил дека на 03.07.2017 година околу 20,30 часот неговата ќерка С.И. (27) излегла од домот и рекла дека ќе оди во продавница, но до моментот на пријавување истата не се вратила. Се преземаат мерки за пронаоѓање на лицето.

Во СВР-Велес, А.Ќ. (50) како старател на нејзиниот 14- годишен внук пријавила дека на 01.07.2017 година околу 21,30 часот и се јавил на телефон и и рекол дека за кратко време ќе дошол дома, но се до моментот на пријавување истиот не се вратил. Се преземаат мерки за пронаоѓање на лицето.

Во ПС-Чаир, Г.Б. (38) пријавил дека на 03.07.2017 година околу 10,30 часот од домот во непознат правец се оддалечила неговата сопруга С.Р.(27) заедно со нивните две малолетни деца на возраст од една и три години. Се преземаат мерки за пронаоѓање на лицата.