Спречен обид за шверц на 923 кутии лекови на железничката станица Табановце

Сподели со своите пријатели

Вкупно 923 кутии со разни лекови наменети за македонскиот пазар (Sintrom 4mg, Lorsilan 2,5gr, Pentoksifilin 5ml, Parsedil 75mg, Torecan 6.5 mg, Keltican forte 5,3mg, Fluzepam 30mg, Vitamin B12 1ml и Adrenaline 1ml), биле откриени од страна на мобилните царински тимови, при контрола на патнички воз кој сообраќал на релација Скопје – Белград, извршена на железничката станица Табановце, информираат од Царинската управа на Република Македонија.

Лековите биле пронајдени во 5 картонски кутии обвиткани со најлонска кеса, сокриени во делот наменет за филтер за воздух на еден од вагоните.

Истите биле привремено задржани, а против одговорното лице на македонски железници ќе биде поведена прекршочна постапка.