Министерот за внатрешни работи Оливер Спасовски денеска беше во работна посета на Секторот за внатрешни работи Куманово каде оствари средба со надлежните и се запозна со проблемите со кои се среќава овој оддел од Министерството.
Loading...
Како што потенцираше Спасовски во својата изјава, на средбата меѓу другото било разговарано за безбедносната состојба во Куманово.
Овој сектор е од особено значење затоа што е кризно подрачје заради мигрантската криза, меѓутоа пред нас стојат и други предизвици и тука сме единствени сите дека треба да се даде максимум во работењето за да одговориме на сите ови предизвици. Овде е еден од секторите ретко во кој функционира позорната служба иако на многу малку реони и за тоа разговаравме како да се подобри тој сегмент, а ќе се подобри со повеќе луѓе полицаијци потребни во сите сеектори за внатрешни работи во Република Македонија и на тој начин успешно да можат да функционираат сите служби. Заклучокот е дека состојбата во општина Куманово безбедносна е стабилна и мирна, граѓаните треба да бидат спокојни во овој дел, затоа што секторот е во кондиција и во добра соработка за да се одржи оваа состојба.
Според она што го добил како информација од првите луѓе на СВР Куманово, Спасовски вели дека тука има потреба од повеќе полициски службеници, но и опрема за крим техника.
Треба повеќе луѓе за полицајци затоа што потполнетоста не е на завидно ниво, потребни се материјално-технички средства и опрема, дополнителен проблем е начинот на функционирање на крим-техниката кој беше потенциран како проблем овде и за кој ќе треба да се бара решение , меѓутоа генерално треба да се знае дека за да имаме добро Министерство за внатрешни работи државата треба да одели повеќе пари – додаде Спасовски.
Како што потенцираше министерот Спасовски, во следниот период ќе следуваат и посети на сите други сектори за внатрешни работи во државата со цел да се обезбедат услови за одржување фер и демократски избори.