Под мотото „За наше Куманово“ започна реконструкцијата и асфалтирање на дел од улиците низ Куманово, откако временските услови создадоа можност да се реализира она што подолг период беше тема на препукување помеѓу локалната власт и опозиција.
Во текот на вчерашниот ден градоначалникот на Општина Куманово, Зоран Дамјановски во придружба со локалната самоуправа го пушти во употреба тампонираниот и асфалтиран пат во селото Горно Којнаре во должина од 750 метри.
[huge_it_gallery id=”325″]
Во меѓувреме активно се работи и на крпење на дупките на улиците низ централното градско подрачје и приградските населени места.
- Ул. „Братство Единство“
- Ул. „Братство Единство“
На 18-ти март започна и реконструкцијата на улицата „Никола Вапцаров“, каде на површина од 500 метри квадратни ќе бидат поставени бекатонски плочки.
- Улица „Никола Вапцаров“
Реконструкција ќе добијат и дупките на улицата „Бајрам Шабани“, чие реновирање беше започнато на 14-ти март, но поради лошите временски услови на кратко беше во прекин.
Во рамките на истиот проект се реновираат и тротоарите во централното градско подрачје. Заврши првата фаза која опфаќаше реновирање на тротоарот спорти градската библиотека на улицата „Народна револуција“, а сега нови бекатонски плочки се поставуваат од другата страна на улицата.
На први април се очекува да започне и изградба на канализационата мрежа во месноста Гладно Поље, во населбата Перо Чичо.