Ракометарите на Куманово славеа против Преспа

loading...

Ракометарите на Куманово остварија нова победа откако викендов на гостински терен во рамките на првата машка ракометна лига го совладаа составот на Преспа од Ресен со резултат 36:30.

Доминација во играта кумановци покажаа уште од самиот почеток на средбата па го полнеа голот на домаќините. И покрај големата желба од страна на ракометарите на Преспа да го намалат водството на избарниците на Димковски, сепак на полувреме се замина со резултат 18:15 во корист на екипата на Куманово.

Слична игра и двата состави покажаа и во вториот дел од средбата, кога ги постигнаа истиот број голови како и во првиот дел, за да сепак на крајот од мечот слават гостите со резултат 36:30.

Најдобри со по девет гола во составот на тренерот Љубиша Димковски беа М. Ангеловски и Давид Кузмановски, а веднаш зад нив Димковски со 7 и Трајчевски со 5 голови.

Во составот на домаќините со по седум реализирани погодоци најдобри беа Шабединовски и Павловски.

Екипата на Куманово моментално се наоѓа на четвртата позиција во рамките на домашната прва лига со 22 бода, исто колку и составот на Риниа М кои се на третата позиција, додека првите две позиции припаѓаат на Младост и Вардар.


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments