Полицаец повреден при интервенција во Куманово

Сподели со своите пријатели

Полициски службеник од СВР Куманово е повреден при обид да интервенира на инцидент кој се случил во кумановската населба Перо Чичо, дознава Кумановски Муабети од полициски извори.

Според првичните информации, полицаецот е повреден кога едно лице од ромска националност го нападнало при обид истиот да биде приведен.

Настанот го потврдуваат и од СВР Куманово, од каде велат дека полицаецот се здобил со расекотина на дланката, но поради сериозноста на повредата веднаш е префрлен на скопските клиники.

Напаѓачот, според полициски извори, се обидел да ја убие својата девојка, додека пак од СВР Куманово демантираат и велат дека полициските службеници спречувале обид за самоубиство.

Инцидентот го потврдуваат и од МВР, но со повеќе информации ќе излезат во текот на утрешниот ден.