Како што информираат од Регионалниот центар за управување со кризи, во изминатите 24 часа, припадниците на Територијалната против пожарна единица бележат неколку интервенции на подрачјето на Куманово.
Ноќта измеѓу петок и сабота, од 21:30 до полноќ пожарникарите интервенирале во селото Горно Којнаре на опожарена стрнишна површина од 6-7 хектари и мал дел од шумскиот појас. Во гаснењето биле ангажирани 2 цистерни и 8 пожарникари, а нема информации за настанатата материјална штета.
Интервенција е забележана во селото Никуштак на запалена сува трева, кога од 11:45 до 14:10 часот, четири пожарникари со едно ПП возило.
Поголем пожар пак е забележан во селото Пчиња на заплена сува трева и 100 опрлени тополи, од кои некои изгорени и 50%. Во периодот од 14:25 до 16:20 часот пожарот го гаснеле тројца пожарникари со едно против пожарно возило.
Во селото Черкезе била запалена сува трева, која била гаснета од 4 пожарникари и едно ПП возило од 17:25 до 17:55, а од 18:50 до 19:50 пожар бил гаснет во селото Ваксинце.