Падна договор помеѓу политичките партии на деншната координативна средба кај претседателот на Собранието, Талат Џафери. Локалните избори ќе се одржат во првата половина на октомври, а мандатот на советниците и градоначалниците ќе биде продолжен се додека истите не бидат спроведени.
На лидерската средба не се појави ниту еден претставник од ВМРО-ДПМНЕ од каде го објкотираат Џафери како претседател на Собранието.
Партиите се договорија дека од исклучителен приоритет за Република Македонија е постигнувањето договор за донесување на Предлог-закон за изменување и дополнување на Изборниот законик со кој одржувањето на локалните избори ќе биде предвидено за првата половина во месец октомври, а мандатот на сегашните градоначалници и советници ќе биде продолжен до изборот на новите членови на советите и градоначалниците – пишува во соопштението од Собранието.
Џафери ги повикал партиите да направат пратенички групи кои се согласиле дека политичкиот дијалог мора да продолжи во Собранието на Република Македонија и дека сите политички субјекти треба да бидат одговорно пред граѓаните и да допринесат за продолжување на демократските процеси.
Loading...