Пакистанец претепан во село Ваксинце

Сподели со своите пријатели

На 22.07.2017 година во СВР-Куманово, од страна на Дежурниот во Полициска станица Сопот било пријавено дека кај нив, од страна на вработени во Црвен крст бил донесен А.Ф.(23) од Пакистан, кој изјавил дека три лица од Пакистан му извршиле разбојништо, при што му одзеле 150 евра, информираат од Министерството за внатрешни работи.

При извршениот разговор, А.Ф. изјавил дека на 19.07.2017 година во с.Ваксинце, дошол заедно со група лица од Пакистан, при што биле пречекани од три лица, исто така од Пакистан (на возраст од околу 25-30 години), кои биле задолжени за пречекување и испраќање групи мигранти надвор од Р.Македонија.

На 21.07.2017 година околу 22,00 часот, наведените организатори на сите лица од групата мигранти им побарале по 2.000 евра од лице, за да ги пренесат преку државната граница во Р.Србија. Бидејќи оштетениот немал пари, еден од организаторите го нападнал, удирајќи го со два удари со рака во пределот на лицето, по што му ги одзел  парите и го оставиле. А.Ф. е пренесен во Транзитен центар- Скопје.

Се преземаат мерки за расчистување на настанот.