Возачи на градежни машини се дефицитарни во Словенија, бабици во Холандија и Грција, наставници, експерти за финансии и ИТ се бараат низ целата Европска Унија.
Со оглед на тоа дека граѓаните на Македонија според сите истражувања во секој момент се подготвени да се иселат претежно поради недостиг на работа и ниските примања, овој податок можеби и ќе им биде од полза.
Освен постојано дефицитарните ИТ експерти и експерти од инжинерските науки, медицински сестри и различни видови на административно работници, има и професии кои претходно не се појавуваа. Тоа се на пример воспитувачи и наставници чии плати се од 2.000 до 3.000 евра, се побарани во Шведска, возачи на градежни машини во Словенија, а бабици во Холандија и Грција.
Се бараат и пожарникари, келнери, работници за обезбедување и возачи.