Ноќеска, сабота кон недела официјално започнува летното сметање на времето, па така вашите стрелки на часовникот треба да ги поместите еден час понапред, односно од 2 часот по полноќ да ги подесите на 3 часот.
Летно сметање на времето или летно време — договорено правило за пометување на часовниците така што попладнето да има повеќе дневна светлина, а за сметка на тоа утрата да бидат пократки. Вообичаено е часовниците да се поместуваат еден час нанапред на пролет, а да се враќаат еден час наназад на есен. Овој систем е предложен во 1905 г. од Вилијам Вилет, а првпат бил широко применет во 1916 г. како военовременска мерка насочена кон заштеда на јаглен. И покрај несогласувањата, многу земји го користат овој систем. Денес во Европа е прифатена конвенцијата летното сметање на времето да започнува во последната недела од март, а да завршува во последната недела на октомври. Во САД летното сметање започнува во втората недела на март, а завршува во првата недела на ноември. На јужната полутопка почетокот на летното време е обратен од северната.
Во Македонија, како дел од СФРЈ, летното сметање на времето се користи од 1983 ггодина, а од 1996-та е регулирано со Закон за сметање на времето.