По написи во одредени електронски медиуми за неработни денови во месец мај, остра реакција пристигна од прес службата на Министерството за труд и социјална политика од каде потенцираат дека само два дена се неработни за сите жители на Република Македонија.
Неработни се 01 мај (понеделник) – Ден на трудот и 24 мај (среда) „Св. Кирил и Методиј“ – Ден на сесловенските просветители. За граѓаните пак припадници на влашката заедница неработен ден е 23 мај (вторник), национален ден на Власите.
Потенцираме и дека согласно со Законот за празниците на Република Македонија („Службен весник на РМ„ бр.21/98 и 18/07), и Програмата на неработни денови за 2017 година, 25 јуни (недела) Рамазан Бајрам, првиот ден на Рамазан Бајрам, односно 26 јуни (понеделник) е неработен ден. Со оглед на тоа што со написите се создава забуна во јавноста ги повикуваме медиумите на внимателност при објавувањето на информациите поврзани со неработните денови и напоменуваме дека Програмата на неработни денови за 2017 година е јавен документ кој што е достапен на следниот линк – стои во реакцијата испратена од Министерството за труд и социјална политика.
Loading...