Голема грешка е во текот на летните горештини да пиете ладна вода или сокови полни со лед затоа што тогаш на течностите им е потребно повеќе време да се рашири низ телото и да го хидратизира. Затоа најидеално е во текот на летото да пиете вода на собна температура затоа што така телото најбргу од неа ќе има корист. Водата секогаш е подобар избор од соковите.
Исто така, иако можеби е тешко да се замисли, добро е да се испие и топол чај, но кога надвор воздухот е сув, а не влажен. Чајот ќе го го поттикне потењето, а со тоа и разладувањето на телото. Имајте на ум дека со потењето се губи течноста од телото па секако треба да ја надокнадите.
Лекарите велат дека треба да се избегнува алкохолот затоа што тој дополнително го суши организмот, а би било добро и да се намали внесувањето на кафе. Каде и да сте, секогаш крај себе имајте шише вода и секако пијте по мали голтки. Ако тоа го практикувате секој ден телото ќе има доволно течност и полесно ќе ја поднесе топлината. Добро е да се пие вода наутро на празен стомак. Тоа ќе помогне за полесно празнење на цревата и чистење на организмот од токсините. Често се препорачува тоа да се практикува ако сакате да ослабнете и да ја поттикнете работата на метаболизмот.
Исто така, со чистењето на отровите од телото, кожата поспоро ќе старее, а циркулацијата во телото ќе биде подобра.
Loading...