27.11.2016 01:13

КК Куманово го совлада Кожув, празните трибини демотивирачки (галерија+видео)

loading...

Кошаркарите на Куманово ја остварија првата победа во домашното кошаркарско првенство откако вчеравечер на домашен терен го совладаа тимот на Кожув со резултат 89:84.

 

kk kumanovo - kk kozuv

 

Празните трибини во спортската сала во Куманово беа пресудни за слабата мотивација на сино-белите, па гостинскиот состав поведе во првите минути од натрепварот, па така веќе на крајот од првата четвртина гостите од Гевгелија имаа водство со реултат 15:22.

 

kk kumanovo - kk kozuv

 

Втората четвртина од натперварот беше брилијантна за домаќините кои го направија и големиот чекор кон победата со серијата 30:9, па полувремето заврши со водство на избраниците на тренерот Марјан Србиновски со ерзултат 45:31.

 

kk kumanovo - kk kozuv

 

Третата четвртина повторно беше послаба за кумановци што одлично го искористија кошаркарите на Кожув и во период од шест минути ги оставија домаќините без кош, па разликата ја намалија на само еден поен предност, односно 71:70. Одлучноста на Костоски и неговите сино-бели борци сепак доведе до првата победа од домашниот шампионат со резултат 89:84.

 

kk kumanovo - kk kozuv

 

Најзаслужен за победата на кумановци беше капитенот Александар Костоски кој успеа да постигне 20 поени и покрај повредата со која се здоби на последниот натпревар во Градски парк. Веднаш зад него со 19 поени на листата најдобри се впишаа и Данило Мијатовиќ и Милорад Пековиќ.

Со оглед на тоа дека играме пред празна сала и противникот кој што го имаме дојде овде да победи затоа што е во една длабока криза навлезен уште од самиот старт и знаевме дека ќе биде тежок натпревар. Предноста која што ја направивме за жал не успеавме до крај да ја исконтролираме, но најважно на крај во овој систем на натпреварување кој што го налага нашата федерација е да се победи, така да не е битна разликата. И следниот натпревар дома нема да биде лесен без нашата публика, но одиме чекор по чекор и ќе се обидеме да направиме подобар резултат – изјави Александар Костоски, капитен на КК Куманово.

kk kumanovo - kk kozuv milorad pekovic

 

Во гостинскиот состав со 30 поени брилираше Мек Нил, а зад него Мијовиќ со 21 поен.

Се повтори минатонелдениот натпревар во БИБЛ лигата, слично очекувавме дека ќе биде ваков натпревар од игрите во БИБЛ лигата, они во Тиват, ние во Призрен. Имавме мала промена во стручниот штаб во последен момент, ни требаше време да се консолидираме тактички за овој натпревар, издржавме во тоа, најдовме некои сили играчите да ги издигнеме во ситуацијата што не снајде во последно време. Мислам дека се повтори квалитетот и искуството на неколку играчи од Куманово кои пресудија повторно, тука мислам на Костовски и Мијатовиќ – изјави Иле Ефтимов, заменик тренер на КК Кожув.

kk kumanovo - kk kozuv

 

Кумановци моментално се наоѓаат на петатта позиција на табелата со три реализирани бода, исто колку и Струмица и АВ Охрид против кој во среда на гостински терен го играат следниот натрепвар во домашниот шампионат.

kk kumanovo - kk kozuv stefan zivanovic kk kumanovo - kk kozuv milorad pekovic kk kumanovo - kk kozuv kk kumanovo - kk kozuv kk kumanovo - kk kozuv kk kumanovo - kk kozuv kk kumanovo - kk kozuv radoslav pekovic kk kumanovo - kk kozuv kk kumanovo - kk kozuv kk kumanovo - kk kozuv kk kumanovo - kk kozuv kk kumanovo - kk kozuv


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments