Вчера во 13.20 часот во Полициската станица од општа надлежност Куманово, пријавено било дека на наплатната рампа на автопат Скопје – Куманово во село Романовце-кумановско, во момент на сопирање на наплатната рампа од засега неутврдени причини настанал пожар на товарно моторно возило марка „Мерцедес„ со гевгелиски регистерски ознаки на кое била прикачена приколка (ладилник), а управувано од С.К. (62) од село Удово.
Како што информираат од Министерството за внатрешни работи, пожарот од возилото и приколката, за кратко време се проширил и зафатил дел од наплатна барака и покривната конструкција од наплатната рампа. Пожарот бил изгаснат од Територијалната противпожарна единица- Куманово.
Увид на местото на настанот извршила увидна екипа од СВР-Куманово. Се работи на целосно расчистување на случајот.