01.03.2018 00:30

Јункер ја повика Приштина да ги подобри односите со Белград


Претседателот на Европската комисија Жан Клод Јункер ги повика властите во Приштина да ги подобрат врските со Белград и да го ратификуваат договорот за демаркација со Црна Гора, пренесуваат медиумите.

Се наведува дека Јункер рекол дека врските на Косово и Србија се од фундаментална важност за патот кон Европа.

РТК на српски јазик пренесува дека Јункер во присуство на високата претставничка за надворешната политика и безбедност на ЕУ Федерика Могерини и комесарот за европска соседска политика и преговори за проширување Јоханес Хан, во рамките на првата посета на Приштина се сретнале со претставници од косовксата влада и дека разговарале за разграничувањето на Црна Гора, борбата против организираниот криминал и корупција како приоритети за услови за добивање на визна либерализација.

Косовскиот претседател Хашим Тачи на заедничката прес конференција со Јункер изјавил дека очекува ЕУ, односно Могерини да преземе улога која и следува, за да дијалотог на Белград и Приштина кој се одржува во Брисел продолжи што поскоро. Тачи изнел тврдења дека институциите во Приштина се посветени за продолжување на дијалогот, затоа што, како што рекол, тоа е во интерес на двете држави.


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments