Тренерот на Милан, Џенаро Гатузо смета дека резултатите што ги постигнува тимот во последниот период се плод на подобрената игра во одбраната.
– Тоа е нешто на кое напорно работевме и успеавме да го подигнеме нивото. Можам да кажам дека се подобруваме постепено и сум среќен поради тоа. Сега одбраната ни е поцврста, посигурни сме со топка и тоа дава резултат. За да дојдеме до тука работевме напорно и така треба да продолжиме, изјави Гатузо.
Милан синоќа го победи Лудогорец без примен гол (1:0) и се пласира во осминафиналето од Лига Европа.
– Задоволен сум од пласманот во следната фаза и покрај минималната победа, но важно е и да се нагласи дека нашиот гол го зачувавме. Сега се фокусираме на првенствениот дуел со Рома, истакна предводникот на Милан. /МИА