Експлозив наменет за Либија запленет во Грција

loading...

Грчката крајбрежна стража денеска соопшти дека запленила товар експлозив кој од Турција влегол во Либија, а воедно наведува и дека декативирале „бомба во движење“.

Бродот е запленет на 6. јануари а превезувал 29 ковчези со детонатори и експлозивни материјали.

– Крајбрежната стража деактивираше бомба во движење, рекол контра-адмирал Јанис Сотиру и додал дека бродот „Андромеда“, под танзаниско знаме, имал бројни структурни проблеми и дека никогаш и не требало да заплови.

Според негови зборови, последиците можеле да бидат непредвидливи и по луѓе, а и по околината.

Капетанот на „Андромеда“ тврдел дека бродот пловел кон Џибути, но подоцна признал дека вистинската дестинација било либиското пристаниште Мисрата.

Осумте членови на екипажот утре ќе бидат изведени пред судија.


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments