Двајца кумановци со изгореници од втор степен по пожар од плинска боца

loading...

Вчера околу 21,10 часот во Куманово на ул .„Никола Тесла“ настанал пожар во помошна просторија- гаража од куќа сопственост на М.Ј. . Поради невнимание при замена на цевка за плин, монтирање и демонтирање на плинска боца на патничко возило „Рено 18“ со кумановски регистарски ознаки , сопственост на Т. М. (54) од Куманово, додека Т. М и А. Ц. (34) од Куманово биле заедно во каналот под возилото, дошло до експлозија и запалување на инсталацијата за плин на возилото, при што внатрешноста на истото целосно изгорела, а Т. М. и А.Ц се здобиле со изгореници од втор степен во пределот на рацете и лицето, а воедно опожарена е и гаражата, информираат од Министерството за внатрешни работи.

Истите со возило на Итна медицинска помош се пренесени во Медицински Центар – Куманово за укажување на лекарска помош. Пожарот е изгаснат од екипа на Противпожарната единица -Куманово.

Увид на лице место извршиле Јавен обвинител и увидна екипа од Секторот за внатрешни работи Куманово.


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments