Како што информираат од Министерството за внатрешни работи во текот на вчерашниот дел околу 15,20 часот В.С.(66) од Република Турција исчезнал во водите на Мавровското Езеро на потегот помеѓу Бунец и Леуново.
Истиот заедно со неговиот роднина Х.Р.(38) од Скопје влегле во езерото по што Х.Р. почнал да плива кон спротивниот брег, а истото сакал да го направи и В.С., но на половина пат од засега неутврдени причини потонал и наеднаш го снемало под површината на водата.
Неговото исчезнување телефонски го пријавил риболовец, кој се наоѓал во непосредна близина. На местото на настанот веднаш пристигнале службеници од ПО Маврово како и увидна екипа од ПС Гостивар. Местото на исчезнувањето повеќе пати е пребарано со чамец за да се пронајде В.С., но досега истиот не е пронајден.
Повикани се специјални нуркачки екипи на МВР, кои од утрово година интензивно го пребаруваат тој дел дел од езерото.