Откако во текот на вчерашниот ден лидерите на четирите политички партии ја надминаа единствената пречка за одржување на изборите, односно избор на петти член на ад-хок телото за меидуми, падна и одлуката за одржување на предвремените парламентарни избори.
Според потпишаното од страна на Груевски, Заев, Ахмети и Тачи, како и претставниците на дипломатскиот кор, изборите ќе се одржат на 11 декември, а влдата што ќе ги организира ќе биде избрана во петок, 2 септември.
Нов уредник на информативната програма на МТВ ќе биде Санта Аргирова чиј мандат ќе започне од 2 септември и ќе трае до крајот на изборниот процес.
По оваа средба и договорот за избори се очекува државата да почне да чекори по патот за ислегување од политичка криза во која се наоѓа еден долг период.