До 20 ноември треба да биде изградено партерното уредување на „Паркот на бранителите“

Сподели со своите пријатели

Центарот за развој на Североисточниот плански регион ја избра скопската фирма „Баџак Инжењеринг“ за изведба на партерното уредување на регионалниот комплекс на базени во Куманово. Со овој проект ќе се реализира најавениот Парк на бранителите, којшто е зацртан пред Градскиот базен во Куманово, пишува порталот Build.mk.

Партерното уредување на просторот треба да се изведе најдоцна до 20 ноември годинава. Договорот бил потпишан пред еден месец, а неговата вредност е во висина од 6.260.010 денари. Заедно со паркот, изведувачот е должен да постави и влезна порта на Бислимската клисура, лоцирана на територијата на Општина Куманово.

Паркот на бранителите во Куманово беше неодамна најавен од градоначалникот Зоран Дамјановски.

На локацијата е предвидено да се постават неколку спомен обележја на македонските бранители. Меѓу нив, во овој парк ќе се изведе и обележје во спомен на осумте припадници на безбедносните сили коишто загинаа во мај 2015 година во кумановското Диво Насеље.

 

Loading...