Ден на Здружената оперативна команда

Сподели со своите пријатели

Во касарната „Боро Менков“ во Куманово денеска Здружената Оперативна Команда (ЗОК), со воена свеченост ќе го одбележи денот на единицата.

На прославата предвидено е присуство и обраќање на претседателот на Република Македонија и Врховен командант на вооружените сили, Ѓорге Иванов, а говор ќе одржи и командантот на ЗОК бригаден генерал Зоран Милески.

На прославата ќе присуствуваат и Началникот на ГШ на АРМ, генерал-потполковник Методија Величковски, државниот секретар во министерството за одбрана Драган Николиќ, генерали во АРМ, како и претставници од Министерството за одбрана и ГШ на АРМ и воени аташеи.

Со одлука на претседателот на Република Македонија, 17 октомври е определен за Ден на ЗОК, како спомен на одбележување на значајните историски настани врз коишто се темелат традициите во Армијата на Република Македонија.

На 17 октомври 1887 година  во селото Кресна е формиран штабот на македонското-кресненско востание кој воедно е и ден кога е кренато востанието.

Извор: МИА

Loading...