На иницијатива на градоначалникот Зоран Дамјановски, а во придржуба на тим составен од припадници на Противпожарната единица и претставници од јавните претпријатија на градот, денес делегација од Општина Куманово оствари посета на најпогодените места во населбите Ченто, Економија и селото Стајковци во околината на Скопје.
Loading...
Дамјановски по вчерашната посета и донација на пумпи за извлекување на фекална и загадена вода како и еден камионет со вода за пиење и храна, како што соопштува, денес биле донирани уште додатни два камионети, како помош од општината и градот за семејствата кои претрпеа сериозни штети и загуби по саботните поплави во скопско.
-
Денешната и вчерашната посета е наш мал допринос во ублажување на штетите и катастрофата по елементарната непогода која го зафати скопскиот регион. Глетката е ужасна, но, уште потрагично е тоа што во невремето загинаа огромен број на невини луѓе. Ние како општина донесовме едногласна одлука за доделување еден милион денари на Град Скопје за санација на штетите и со свои луѓе, донации во храна и вода, како и со севкупниот човечки потенцијал ќе продолжиме да работиме на тоа, целата штета да биде набрзо санирана, вели Дамјановски.
Во катастрофалните поплави што го зафатија скопскиот регион, трагично загина и жена од Куманово, на чие семејство денес Советот на Општина Куманово одлучи да додели еднократна парична помош во висина од 180 илјад денари.