Справување со толпа при обезбедување на државната граница“ беше називот на вежбата што ја реализира еден вод на 3. механизиран пешадиски батаљон (3.мпб) при АРМ по состанокот на Командантот на 1. механизирана пешадиска бригада (1.мпбр) бригаден генерал Мирче Ѓоргоски со командантите и командирите на потчинетите единица на бригадата бо касарната во Тетово.
Како што објави АРМ на својата веб страна, вежбата била изведена по сценарио креирано согласно предизвиците со кои се соочуваа војниците при обезбедување на државната граница во услови на зачестените мигрански движења како последица на воени дејствија во трети земји. Според сценариото, патрола со јачина од едно одделение при изведување на задача патролирање во реонот за обезбедување на државната граница, се соочува со група на нелегални минувачи-мигранти кои се обидуваат да навлезат во длабочина на РМ.
Во текот на вежбата со повеќе тактички постапки, техники и процедури во справувањето со мигрантите, од АРМ истакнуваат дека било видливо искуството на припадниците на 3.мпб кои како и сите други единици на 1.мпбр, директно учествуваа во обезбедувањето на државната граница во изминатите две години, и сеуште се присутни со одредени активности на јужната и северната граница на Република Македонија.
Извор: МИА
Loading...