Акција за заловување кучиња скитиници во Куманово

Сподели со своите пријатели

 Екипи на ветеринарно-сточарскиот центар „Тодор Велков“ под монторинг на надлежните инспекциски служби од општина Куманово, денеска и утре ќе ги заловуваат кучињата скитници во Куманово.

Во денешната акција заловени се 20-тина кучиња во поширокото централно градско подрачје. Кучињата кои се заловуваат, појасни комуналниот редар Гордан Таневски ќе бидат вакцинирани со вакцини предвидени со правилникот и согласно Законот за благосостојба и заштита на животните.

Loading...

– Ќе се чуваат 30 дена по правилникот ко је важечки и кој произлегува од законот, ќе се понудат за вдомување, ако не бидат вдомени, ќе бидат пуштени на местото каде што се заловени, изјави Таневски.

Додава дека кучињата кои се заловени во претходните акции се вакцинирани, кастрирани и обично не претставуваат проблем за граѓаните.

Од почетокот на реализацијата на тендерот, за кој годинава општината одвои 800.000 денари, заловени се околу 350 кучиња скитници. Општина Куманово е  една од ретките општини во Македонија  која ја спроведува  акцијата на годишно ниво. Инаку, за оваа година од  општинскиот  буџет, за акции за заловување на кучиња скитници, предвидени  се милион денари. /МИА

Leave a Reply